ខ្ញុំឡើងភ្នំឱរ៉ាល់បានសម្រេច
កាលពីថ្ងៃទី ១៥ ខែកក្កដា ឆ្នាំ ២០២០ ខ្ញុំបានចូលរួមជាមួយក្រុមអ្នកដំណើរប្រមាណជាង ៣០នាក់ដោយចាកចេញពីក្រុងសៀមរាបនាម៉ោងប្រហែល ៧ព្រឹកព្រលឹមធ្វើដំណើរឆ្ពោះទៅកាន់ខេត្តកំពង់ស្ពឺដើម្បីត្រៀមឡើងលើភ្នំឱរ៉ាល់ដែលជាភ្នំមានកម្ពស់ខ្ពស់ជាងគេនៅក្នុងប្រទេសកម្ពុជា។ ពួកយើងបានទៅដល់សហគមហ៍ភ្នំឱរ៉ាល់ម៉ោងប្រហែល ៤រសៀល ហើយបានរៀបចំកន្លែងសំរាកនិងងូតទឹកហើយបរិភោគអាហារពេលល្ងាចជុំគ្នាដើម្បីត្រៀមកំលាំងឡើងភ្នំនាព្រឹកស្អែក។ លុះព្រឹកថ្ងៃទី ១៦ ខែកក្កដា ឆ្នាំ២០២០ បន្ទាប់ពីញ៉ាំអាហារពេលព្រឹករួចរាល់ហើយ យើងក៏បានរៀបចំឥវ៉ាន់ដាក់គោយន្តដើម្បីធ្វើដំណើរពីសហគមន៍ឆ្ពោះទៅកាន់ជើងភ្នំឱរ៉ាល់។
ធ្វើដំណើរប្រហែលជាអស់រយៈពេល ១ម៉ោងកន្លះទើបដល់ជើងភ្នំ ហើយយើងរៀបចំបន្តដំណើរដោយថ្មើរជើងទៀតដើម្បីទៅកាន់កំពូលភ្នំតាមដំណាក់ៗបន្តបន្ទាប់។ ខ្ញុំបានដើរឡើងពីជើងភ្នំទៅដល់ដំណាក់ទី២ (ដំណាក់តាឥសី កម្ពស់ ១២០០ម៉ែត្រ) នាម៉ោង៣.៣០នាទីរសៀល ហើយបានរៀបចំរកកន្លែងសម្រាប់បោះតង់សំរាក់ ងូតទឹក និងបរិភោគអាហារពេលយប់។
លុះព្រឹកឡើងថ្ងៃទី ១៧ ខែកក្កដា ឆ្នាំ ២០២០ ម៉ោងប្រហែល ៤ ព្រលឹមពួកយើងបានបន្តដំណើរទៅកំពូលខ្ពស់បំផុតនៃភ្នំឱរ៉ាល់ដែលមានកម្ពស់រហូតដល់ ១៨១៣ម៉ែត្រ។ បន្ទាប់ពីទៅដល់កំពូលខ្ពស់បំផុតនោះហើយ ខ្ញុំក៏បានបន្តទៅកន្លែងទីតាំងយន្តហោះធ្លាក់កាលពីឆ្នាំ ១៩៧៤ ហើយបន្តមកដំណាក់តាឥសីវិញដើម្បីបរិភោគអាហារថ្ងៃត្រង់និងសំរាក់យកកំលាំងធ្វើដំណើរចុះទៅក្រោមវិញម៉ោងជិត ២រសៀល។
ខ្ញុំបានធ្វើដំណើរមកដល់ជើងភ្នំវិញម៉ោងប្រហែល ៥ល្ងាច ហើយមេឃក៏មានភ្លៀងធ្លាក់យ៉ាងខ្លាំង ពួកយើងបានរៀបចំឥវ៉ាន់ដាក់គោយន្តហើយបន្តដំណើរជិះទៅសហគមន៍វិញដើម្បីញ៉ាំអាហារពេលយប់ ហើយជិះគោយន្តបន្តពីសហគមន៍ទៅកន្លែងចតរថយន្តដើម្បីជិះចាកចេញពីឱរ៉ាល់មកកាន់ក្រុងសៀមរាបវិញ។ ខ្ញុំបានចំណាយពេលសំរាក់លើរថយន្តហើយមកដល់សៀមរាបនាម៉ោងប្រហែល ៥ព្រឹក៕
សូមមើលផងដែរ៖
- ដំណើរបែបផ្សងព្រេង រុកព្រៃ ឡើងភ្នំ បោះតង់ នៅលើភ្នំ ខ្នងផ្សា
- មកដល់ខេត្តស្ទឹងត្រែង
- ដំណើរកំសាន្តមកដល់ក្រុងបានលុងខេត្តរតនគិរី
- រូបភាពរបស់ខ្ញុំតាមដងផ្លូវពីខេត្តមណ្ឌលគិរីទៅកាន់ខេត្តរតនគិរី
- ដំណើរកំសាន្តនៅមណ្ឌលគិរីថ្ងៃចុងក្រោយមុនចាកចេញទៅកាន់ខេត្តរតនគិរី
- ដំណើរមកដល់ក្រុងសែនមនោរម្យខេត្តមណ្ឌលគិរីថ្ងៃទី១
- ដំណើរកំសាន្តដោយការជិះម៉ូតូចេញពីសៀមរាប ភ្នំពេញ ព្រៃវែង ស្វាយរៀង
ការបញ្ចេញមតិរបស់អ្នកទស្សនា