Supermaklike Hoenderpastei 

Rencia se eie  resep

Rens se Hoenderpastei

1 groot hoender of 2 kg hoender – afgekook en gevlok
250gr gram spek (opsioneel)
Hoenderspeserye, fyn naeltjies, knoffelvlokkies,  peper en sout
1 of 2 uie gekap
250 g sampioene in skyfies gesny
1 pakkie hoender roomsoppoeier
1 pakkie Chicken a la king – cook in sauce
1 koppie veggie mix
750ml  melk – meng die pakkie chicken a la king en hoendersop daarin
1 pak voorbereide blaardeeg (puff pastry)

Braai uie, spek en sampioene. Gooi die groente in en roerbraai vir so ‘n rukkie. Voeg die melk met sopmengsels in en laat net effe kook – voeg die speserye by en hoender. Kook tot dik. Voeg nog melk by indien jy sien die mengsel is te dik of bietjie meel as jy sien mengsel is te dun.
Plaas in gesmeerde bak, sit puff pastry oor en bak in vooraf verhitte oond vir 30 na 45 min by 180 grade C of tot ligbruin

*

Hoender pastei (Chicken kisses)
Hierdie resep is ‘n wenner !!!!

1 kg hoender gekook en gevlok
1 uie fyngekap
Halwe houertjie rookaas (versag)
2 eetl botter (versag)
6 repies spek gesnipper (mikrogolf so 2 minute)
Sout, peper en bietjie knoffel
1 eetl bladjang
1/4 kop melk

Meng alles saam en plaas in bak.

Sit skilferkors/puff pastry oor en bak in oond by 200 grade vir ongeveer 30 minute of tot bruin en opgepof

*

Kruiekors Hoenderpastei

Rina Burden (Lekker resepte vir die jongergeslag)

Vulsel’
1.5kg hoender
sout en peper na smak
2 eel gemengde droe kruie
35ml water
3 snye witbrood
30g botter
2 groot ie, grof gekap
250g sampioene gesny
1 pk sampioensop
180ml kookwater
75ml wit wyn

Plaas die hoender, sout en peper, kruie en water in kastrol en prut totdat sag en gaar. Ontbeen die hoender, verwyder velle en vet en skep die vet van die sous af. Sny die hoender in growwe stukke. Week brood in sous en voeg hoender by. Verhit botter in pan soteer uie en sampioene tot sag. Voeg by die vleis. Meng soppoeier met kookwater en voeg by vleis. Roer goed deur, Geur met sout en peper indien nodig. Giet wyn oor mengsel, meng goed en skep in gesmeerde oonskottel (22 x 30cm)

KORS:
2 1/2 kp koekmeel
5ml sout
20ml bakpoeier
250ml cheddar kaas geraasper
30ml pietersielie gekap
160ml olie
250ml melk
3ml suurlemoensap
2 ekstra groot eiers
Meng die koemeel, sout en bakpoeier. Voeg kaas en pietersielie by. Klits die olie, melk, sap en eiers saam. Meng met meelmengsel. Skep lepels vol oor vleis en bak vir sowat 30 min by 200 grade tot gaar en mooi goud bruin. Biedien dadelik.

*

Korslose Hoenderpastei

Bestanddele
1 Hoender
2 Eiers
¼ k Mayonnaise
1 k Gekookte rys
2 Pakkies Simba chips
1 Steel Selery
1 blikke room sampioene sop
1 Pakkie sampioen sop
1 Ui
1 k Ertjies
Hoender aftreksel
Melk en water
Gerasperde Kaas

Metode
Kook hoender en sny in fyn blokkies. Kook eiers hard en sny fyn. Druk Simba chips fyn. Maak sop aan soos op aanwysings maar vervang die helfte van die vloeistof met Melk en die ander helfte met water. Kap ui fyn en braai in botter. Meng alles behalwe aftreksel saam. Plaas in oondbak. Indien te droog voeg hoenderaftreksel by. Strooi gerasperde kaas oor. Baak in oond teen 200º C vir 10 tot 15 minute.

Wenk
Hierdie gereg kan net so gevries word voordat dit gebak word. Ontdooi en bak dan soos bo beskryf. Hierdie mengsel is genoeg vir twee groterige pasteie of 3 kleinerige pasteie.

*

Outydse Hoenderpastei

( 10 porsies )

1 hoender ( 1.5 kg )
12.5 ml koekmeelblom ( 1 E )
5 ml sout ( 1 t )
3 ml peper ( 1/ 2 t )
25 ml botter of vet ( 2 E )
5 naeltjies
5 pimentkorrels
4 peperkorrels
35 g sago ( 50 ml ) ( 4 E )
2 hardgekookte eiers in skywe gesny
1 eiergeel, geklits
25 ml asyn ( 2 E )
Skilferdeeg

METODE:
Sny die hoender in stukke en rol elke stuk in die meelblom gemeng met die sout en peper.
Gebruik `n dikboomkasstrol en braai bruin in die botter of vet.
Voeg die speserye, in kaasdoek gebind, en die sago by.
Bedek met water en kook stadig totdat die vleis baie sag is.
Haal die speserye uit.
Gooi die sous af, haal die bene uit en meng die vleis met hardgekookte eier.
Sit `n omgekeerde koppie of pasteitregter in die middel van `n pasteiskottel en skep die vleis in.
Verhit sous en verdik met koekmeelblom. Voeg die asyn by die sous en gooi oor vleis.

*

Supermaklike Hoenderpastei

1 groot hoender
hoenderspeserye, naeltjies, peper en pietersielie
500 g knopie sampioene, in skyfies gesny
1 pakkie hoender roomsoppoeier
1 pak voorbereide blaardeeg (puff pastry)

Plaas die hoender in ‘n groot kastrol (jy kan dit in kleiner porsies sny indien nodig) en gooi so twee koppies water in die kastrol. Geur goed met die hoenderspeserye, peper en pietersielie. Jy kan of bietjie fyn naeltjies oorsprinkel, of so 5 heel naeltjies in die water gooi. Kook die hoender tot gaar (gooi meer water by indien nodig). Laat die hoender effens afkoel en verwyder die vleis van die bene. Sny die vleis in kleiner stukkies. Voeg die sampioene en soppoeier by die hoender. Voeg ‘n bietjie water by sodat die mengsel nie te droog is nie. Skep die hoender in ‘n gesmeerde oondbak en maak gelyk. Rol die blaardeeg effens dunner uit en plaas bo-op die hoender. Sny die kante af en verf die deeg met bietjie geklitste eier en melk. Bak teen 180 grade vir ongeveer 40 minute of tot die blaardeeg goudbruin en opgepof is.

*

Hoenderpastei

1 gaar hoender
15 ml botter
3 knoffelhuisies, fyngekap
6 klein preie, in dik skywe gesny/leeks
250 ml room
4 klein Mediterreense aartappels, gaar en skil verwyder
sout en vars gemaalde swartpeper na smaak
1 vel blaardeeg (400 g)
1 eier, geklits
Verwyder die vleis van die hoender. Besluit self of jy die vel wil bysit – ek dink persoonlik dis die lekkerste deel van die hoender. Smelt die botter in ’n pan en braai die knoffel en preie saam tot sag. Meng die hoender, preie en aartappels in ’n groot mengbak. Gooi die room oor en meng goed. Geur met sout en swartpeper. Plaas die blaardeeg op ’n gesmeerde bakplaat. Smeer die deeg met die geklitste eier. Stapel nou die hoendermengsel in die middel van die blaardeeg op. Los so ’n 4 cm-rand oop. Vou die 4 cm-deeg om die hoender. Smeer die rand van die deeg met nog geklitste eier. Plaas in ’n warm oond teen 200 °C vir ongeveer 45 minute sodat die deeg gaar en mooi bruin word. Garneer met vars roosmaryn.

*

Hoenderpastei met spek

SARIE KOS Winter 2009

Eintlik ’n spek-en-hoenderpastei! 8 – 10 porsies

Sowat 30 ml olyfolie
3 pakke hoenderdye en hoenderboudjies (met 8 stukke per pak)
sout en varsgemaalde swartpeper na smaak
10 ml gemengde droë kruie
200 ml witwyn
2 lourierblare
30 ml olyfolie
3 pakke blokkies-spek van 250 g elk
1 ui, fyngekap
1 knoffelhuisie, fyngekap
30 ml mielieblom
30 ml water
2 velle (400 g elk) blaardeeg
1 geklitste eier

Verhit olyfolie in ’n groot kastrol en braai hoenderstukke tot bruin. Geur met sout, swartpeper en kruie. Voeg witwyn en lourierblare by en kook hoender tot gaar. Laat effens afkoel en verwyder vleis van bene. Hou sous van hoender eenkant. Verhit die ander 30 ml olyfolie en braai spek vir sowat 10 minute. Voeg ui en knoffel by en braai tot sag en deurskynend. Voeg hoender en sous by. Meng goed. As sous te loperig is, verdik dit so: Meng mielieblom met water en voeg by. Laat kook tot dik. Skep vulsel in ’n oondbak en laat afkoel voor jy die deeg bo-op sit. Verhit oond tot 180 °C. Sny lang stroke uit een vel blaardeeg. Plaas stroke om die rand van bak, bo-op hoender. Smeer stroke met geklitste eier. Plaas ander vel deeg bo-op. Sny kepe daarin sodat stoom kan ontsnap. Versier met orige deeg. Smeer met geklitste eier en bak vir 40 – 50 minute tot deeg goudbruin en bros is.

Hoender, sampioen en spinasie pastei

Basisresep vir geroomde sampioene

60 ml botter
500 g gemengde sampioene, grof gesnipper
Sout en vars gemaalde swartpeper na smaak
5ml vars tiemieblaartjies, fyngekap ) gedroog is ook reg
100 ml sjerrie
500 ml room

Verhit die botter in ’n groot kastrol of diep pan en voeg die sampioene by. Braai vir ’n paar sekondes en geur goed met sout, peper en tiemie. Braai oor hoë hitte tot die sampioene amper gaar is en voeg die sjerrie by. Braai verder tot die meeste van die sjerrie weggekook is en voeg die room by. Kook en roer aanhoudend tot die mengsel afgekook en die room so dik soos karringmelk is. Verwyder van die hitte en laat afkoel. Lewer sowat 625 ml geroomde sampioene.

Pastei
1 gaar, oondgeroosterde hoender of gewone gevlokte hoender
1/2 hoeveelheid koue, geroomde sampioene
1 x 300 g sak spinasie, goed gewas en drooggedruk
100 ml koue hoenderaftreksel van goeie gehalte
1×400 g rol skilferkorsdeeg
1 eier, geklits

Sny die hoender in porsies en sny die vleis van die bene af. Sny die hoendervleis in klein stukkies en meng dit met die geroomde sampioene. Snipper die spinasie grof, sit dit in ’n plastiekbak en trek kleefplastiek oor. Steek ’n paar gaatjies in die plastiek en stoom die spinasie in die mikrogolf tot net-net verlep. Sit dit in ’n sif of vergiettes en druk met jou hande enige vloeistof uit die spinasie.

Voeg die spinasie en aftreksel by die hoender-en-sampioenvulsel en meng goed. Proe vir geur en voeg ekstra sout en vars gemaalde swartpeper by, indien nodig. Voorverhit die oond tot 200 grade en smeer ’n oondbak van 20 cm x 20 cm. Rol die skilferkorsdeeg effens dunner uit op ’n meelbestrooide oppervlak en sny in twee dele, die een effens groter as die ander. Gebruik die groter deel om die oondbak mee uit te voer sodat die deeg teen die rante opkom.

Skep die vulsel in en smeer gelyk. Bedek die vulsel met die orige stuk deeg en seël die kante met ’n vurk. Smeer geklitste eier oor en bakvir 20-30 minute tot die deeg goudbruin en bros en die vulsel kokend warmis. Sit voor met groente of slaai. Lewer 4-6 porsies.

 

Vinnige hoenderpastei – Huisgenoot

Genoeg vir 6 mense

.