Orain arte itsuturik eta sentimenduak nahasirik ibili naiz, eta beharbada pertsona batzuk mindu ditut, beti ere nahigabe… baina… barkatu, arren.
Orain konturatu naiz, eta beharbada beranduegi da, ez! inoiz ez da beranduegi maitasunarentzat, maitasunaren berezko indarraz ohartu naiz eta norbait benetan maite badut, orduan derrigorrez pertsona horrek benetan maite nau, ala?
MARTXOA,
hotzetik babestetik noa
BREZEN
2009-03-01
Ainara Maia
Urki baten azpian ireki ditut begiak
eserita
oraindik lo
loaldi luze batetik iratzartzen
ametsak frexko oroimenean.
Urki baten azpian eserita
kukua lehen aldiz entzuteko prest,
baina oraindik asko falta da, ala?
Neguko koloreak biltzen
neguko loreak ikusten
loaldi luze goxo batetik iratzartzen
ametsak frexko oroimenean
begien bistan.
Urki baten azpian begiak zabal-zabalik
eserita
nonbait, bizitzatik haratago
maitasunaz haratago
sentimenduz haratago isiltasuna
zu desagertu ondoren
nigandik kanpo
sentimenduak loratzen
zerbait berria nigan sortu nahian
neguturik egon dena ernaltzen.
Urki baten azpian nengoela amets egin dut
haurdun nengoen,
ernaldun,
eta orain
Sabela puzten sentitzen dut
nigandik at dagoenaz jabetu nahirik,
oraindik erdi lo
neuregan kiribildurik
begiak ezin irekirik.