स्रोत नखुलेको २० लाखसहित विराटनगरबाट एकजना पक्राउ
मोरङ । स्रोत नखुलेको १९ लाख ९० हजारसहित बुधबार साँझ विराटनगरबाट एकजना पक्राउ परेका छन् । उनलाई हिरासतमा लिएर अनुसन्धान थालिएको छ ।
सुनसरीको देवानगञ्जका सुरेन्द्रप्रसाद साहबाट उक्त रकमसहित विराटनगर–११ र ६ को केशलिया मार्गमा जाँचका क्रममा बरामद गरेको जिल्ला प्रहरी कार्यालय मोरङका प्रहरी नायब उपरीक्षक रञ्जनकुमार दाहालले जानकारी दिए ।
