Pas Britanisë, edhe Kanadaja filloi vaksinimin me Pfizer-BioNTech (VIDEO)
Pas Britanisë edhe Kanadaja të hënën filloi vaksinimin e qytetarëve kundër COVID-19. Vaksina e parë Pfizer/BioNTech u dha në një shtëpi pleqsh në Toronto, shkruan CNN, njofton Portalb.mk.
Kryeministri kanadez, Justin Trudeau, konfirmoi të dielën vonë arritjen e vaksinave.
Anita Quidangen, a personal support worker in Toronto, was one of the first people in Canada to be given Pfizer-BioNTech’s COVID-19 vaccine. This is a big step forward in our fight against the virus, but we’re not out of the woods yet. pic.twitter.com/BCEkdoBWqy
— Justin Trudeau (@JustinTrudeau) December 15, 2020
30,000 dozat e para do të shpërndahen në 14 zona të Kanadasë, ndërsa të moshuarit dhe punonjësit shëndetësorë do të kenë prioritet në vaksinim. Shteti i parë në botë që nisi vaksinimin e popullatës kundër koronavirusit u bë javën e kaluar Britania e Madhe.
Të hënën, edhe SHBA-ja nisi imunizimin e popullatës me vaksinën Pfizer/BioNTech.
Kjo vaksinë, e cila është një bashkëpunim midis gjigantit farmaceutik amerikan, Pfizer, dhe kompanisë gjermane të bioteknologjisë, BioNTech, ofron mbrojtje deri në 95%.
Javën e kaluar, Mbretëria e Bashkuar ka nisur vaksinimin e popullatës po ashtu me Pfizer/BioNTech.
Vaksinat e para, kudo në botë, është thënë se do t’i marrin punonjësit shëndetësorë dhe grupet e njerëzve më të rrezikuar – kryesisht të moshuarit.
Që nga fillimi i pandemisë COVID-19 në muajin mars, shkencëtarët kanë thënë se për ta vënë krizën nën kontroll, duhet vaksina.
COVID-19, sëmundje që shkaktohet nga një koronavirus i ri, ka prekur mbi 72 milionë njerëz në të gjithë botën.