Chin ramkulh Ah Cachim Ning Hlun in Caminpuai A Phi Mi 2,842 An Um
The Chinland Post | 2023 March 9 — A hnubik tuah a si mi 2023 tanghra caminpuai ah cachimh ning hlun in caminpuai phitnak cu Thantlang le Kanpetlet dah ti lo adang ca check nak 13 ah March 8 thawk in an tuah i phit ding in a sawk mi siahngakchia 3,461 chung ah 2,824 an phi tiah theih a si.
Sihmanhsehlaw SAC nih hramhram in uknak a rak lak hlan 2019 lio ahcun Chin ramkulh chung tanghra camminpuai a phi mi siahngakchia hi 12,114 an rak si caah tutan 2023 tanghra caminpuai a phi mi nak in a let 5 hrawng in an rak tam deuh kha hmuh khawh a si.
Cucaah atu bantuk caan chiat lio ah siangsangruun siahngakchia tampi sianginn kai le fimnak cawn a duh ko nain SAC kuttang ah sianginn kai ding le fimnak cawn ding an cohlang kho lo kha hmuh khawh a si.
Tualchung Kahdohnak ruang ah khua ning in an zaamtak mi Thantlang le Kanpetlet khuapi ahcun minung an tlawm tuk caah an tuah kho lo i Kanpetlet peng, Cinduai tu ahcun ca check nak a um caah tanghra caminpuai an tuah khawh tiah theih a si.
2023 tanghra caminpuai a awng mi an um lo ahcun cachimh ning thar in cawn a si te lai tiah theih a si.
2021-2022 cacawn kum, Chin ramkulh ah tanghra caminpuai a phi mi 2,259 an rak um i a awng mi 605 an rak si.
About The Author
