RMN Laoag – Rinugyanen ti Department of Interior and Local Government Regional Office ti nang-evaluate iti naaramidan dagiti empleyados ti DILG ti provincial.
Kuna ni DILG Provincial Director Reggie Colisao a dagiti taga region ti nagsaludsud kadagiti opisyales ti PGIN nu kasanu ti performance dagiti empleyados ti ahensya para iti search ti Best Performing Province ken best performing Municipality ken City local government officials.
Dagiti kangrunaan a pagbasaran ket no ipatpatungpal met lang dagiti taga DILG dagiti trabahoda kas ti financial requirement, dagiti memorandum ken dadduma pay.
Ibilang ni Colisao a nasisita ti programa tapno makita no kasano ti wagas a panagtrabaho dagiti empleyados aglalo ket ti region one ti namin adu a napili a best performer iti intero a pagilian.
Ti DILG Region 12 ti nakasaganan nga umay agbench mark iti Region 1 tapno ammuen da no ana dagiti inyem-emplementar ken ipakpakat da isu’t gapuna a napagtalinaed da ti pammadayaw a best performing region iti las-ud ti 5 a tawen a ti naudi ket itay 2018.
Ti mapadayawan a best performing province, city ken municipality iti region ket isudanto ti mangitakder iti region para iti national level.
Bernard Ver, RMN News
