General Santos City—Gikaalarma ni Apopong, Kapitan Pao Natividad human nasayran niini nga adunay drug den sa ilang Barangay.
Nasayran nga bag-uhay lang usa ka drug den ang gibungkag sa operatiba sa PDEA-Regional Office-12 diin unom ka mga tawo ang nadakpan apil na niini ang target sa buy-bust operation ug maoy nagmintina sa drug den.
Sumala ni kapitan Natividad nga iyang pulungon ang iyang mga Purok leader aron hisgutan ang bahin sa pagpalig-on sa ilang programa nga “Purok Laban Sa Krimen” aron dili na sila malutsan sa mga indibidwal nga nagahimo ug iligal.
Giangkon ni Kapitan Pao Natividad nga ilang napasagdan ang ilang programang “Purok Laban sa krimen” tungod kay focus sila karon sa pagpanghatag ug relief goods sa ilang mga constituents nga naapektuhan sa covid-19 pandemic.(CDS)
