धादिङको गल्छी गाँउपालिकाले चितवनमा निर्माणाधीन गौतमबुद्ध क्रिकेट रंगशालाका लागि एक सय टिपर बालुवा सहयोग गरेको छ । गाँउपालिकामा उत्खनित बालुवा रंगशाला निमार्णको लागि सहयोग गरेको हो ।

शनिबार बिहान धादिङबाट आएको टोलीले रंगशाला निमार्ण स्थलमा पुगेर बालुवा हस्तान्तरण गरेको अध्यक्ष कृष्णहरि श्रेष्ठले बताए ।  बालुवा पुर्‍याउनका लागि जनप्रतिनिधि, टिपर व्यवसायी लगायतको टोली चितवन पुगेको थियो । नेपाल टिपर तथा ढुवानी व्यवसायी समितिले बालुवाको  निुशल्क ढुवानी गरेको छ । त्यस्तै सुदिपा ट्रेडिङ कम्पनी प्रालिले कर छुटको व्यवस्था गरेको छ ।

राष्ट्रिय झण्डासहित लाइन लस्करै आएको टिपरहरूलाई  इच्द्धाकामना गाँउपालिकाकी अध्यक्ष गिता गुरुङले स्वागत गरेकी थिइन् । त्यस्तै  भरतपुर महानगरपालिकाले आँपटारीबाट स्वागत गरेको थियो ।

धुर्मुस सुन्तली फाउण्डेसनका अध्यक्ष सिताराम कट्टेललेले भरतपुर महानगरपालिकाको वडा नम्बर १५ मा निर्माणाधीन अन्तर्राष्ट्रिय क्रिकेट रंगशाला राष्ट्रिय गौरवको आयोजना भएकाले सहयोग गर्न आग्रह गरे ।