३० असोज,काठमाडौं । नेपाली वाङ्मयका सताब्दी पुरूष सत्यमोहन जोशीको निधन भएको छ। १०३ वर्षको उमेरमा आइतबार बिहान ७ बजेर ९ मिनेटमा ललितपुरको किष्ट अस्पतालमा उपचारको क्रममा उहाँको निधन भएको जानकारी प्राप्त भएको छ ।
२४ दिन अघि अस्पतालमा भर्ना हुनुभएका जोशीको आइसियूमै राखेर उपचार भइरहेको थियो।
जोशीमा मुटु र प्रोष्टेटको समस्या थियो । उहाँकाे स्वास्थ्यमा थप समस्या देखिएपछि उहाँलाई असोज ७ गते किष्ट अस्पताल लगिएको थियो । अस्पतालको इमर्जेन्सी वार्डमा भर्ना गरिएको जोशीको रगत परीक्षणको क्रममा डेंगु संक्रमणसमेत देखिएको थियो ।
अस्पताल बसाइको शुरुका दिनमा केही सुधार भएजस्तो देखिए पनि पछि उहाँँको स्वास्थ्य अवस्था गम्भीर बन्दै गएको थियो ।
१९७७ वैशाख ३० गते बखुम्बहाल, ललितपुरमा जन्मिनुभएका जोशी देशकै जिउँदो इतिहास हुनुहुन्थ्यो ।
सत्यमोहन जोशी राणाकालमै गोरखापत्रका पत्रकारका रुपमा २००१ देखि २००६ सालसम्म लमजुङ् र तनहुँका गाउँहरुमा पुग्नुभएको थियो । भाषा, कला, संस्कृतिको संरक्षण सम्बर्धन र विकासमा योगदान दिनुभएका जोशी वि.सं.२०१३, २०१७ र २०१८ मा गरेर तीन पटक मदन पुरस्कार पाउने एक्ला व्यक्ति हुनुहुन्थ्यो ।
जेठ १०, लुम्बिनी । प्रधानमन्त्री पुष्पकमल दाहाल ‘प्रचण्ड’ले वर्तमान सरकार बुद्धको विचार, मार्गदर्शन एवं बुद्ध
“अबको योगको गन्तव्य बिश्व योगगुरुदेश नेपाल” पीपुल नेपाल न्यूज जेठ ९ काठमाण्डौं । विश्वशान्ति
जेठ ८, काठमाडौँ । प्रधानमन्त्रीसहित मन्त्रिपरिषद् सदस्यको सम्पत्ति विवरण सार्वजनिक भएको छ। मन्त्रिपरिषद्को निर्णयअनुसार प्रधानमन्त्री र
जेठ ७, काठमाडौँ । प्रधानमन्त्री पुष्पकमल दाहाल ‘प्रचण्ड’ ले प्रतिनिधि सभा बैठकबाट विश्वासको मत प्राप्त
रामनारायण विडारी ६ जेठ २०८१, आइतबार नेपालको संविधान लागु भएको आठ वर्ष नाघिसकेको छ ।
३ जेठ २०८१। नेपाली प्रजातान्त्रिक आन्दोलनमा कोरिएको एउटा सशक्त हस्ताक्षर हो, मदन भण्डारी । निकै