ჩაიხუტო უცხო, როგორც შენიანი…

2010 წლის გაზაფხულზე სარეკლამო სააგენტო Ogilvy & Mather-ის დაკვეთით ფრანგულმა Quad Productions-მა გადაიღო ჰონგ-კონგური სასტუმროთა ქსელის Shangri-La-ს აი ეს რეკლამა:

ჩაიხუტო უცხო, როგორც შენიანი – ეს ჩვენს ბუნებაშია. (To embrace a stranger as one’s own. It’s in our nature.)

ალბათ ბევრს (მათ, ვინც სარეკლამო კლიპებს თვალს ადევნებს) ნანახიც გაქვთ – ძალიან კარგი რგოლი გამოვიდა და იუთუბზე დიდი პოპულარობა მოიპოვა. მისი რეჟისორია ბრუნო ავეილანი (Bruno Aveillan), თანამედროვეობის ერთ-ერთი ყველაზე ცნობილი მულტიმედია-რეჟისორი, მრავალი სარეკლამო ფილმის ავტორი.

მოგვიანებით Quad Productions-მა გაავრცელა სიუჟეტი, თუ როგორ ხდებოდა ამ კლიპის გადაღება.

მასში არა მგლისფერი ძაღლები, არამედ ნამდვილი მგლები მონაწილეობდნენ. სანამ გადაღებას შეუდგებოდნენ, მსახიობი ნიკოლა ლი ერთი კვირის განმავლობაში ცხოვრობდა მგლების ნაკრძალში, რომ მათთან დამეგობებულიყო და, როგორც ვრწმუნდებით, მან ეს მოახერხა.

© Lord Vader. Stylish Blog.
საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით და მხოლოდ არაკომერციული მიზნებით. This work is licensed under a Creative Commons Attribution-NonCommercial 3.0 Unported License.

___