نيجى بقى لول جرينز
WALGREENS
هو ده اللى أنا جربته لأن مفيش التانيين جنبى هنا
هو أقل تعقيدا من سى فى إس لأنك مش محتاجة كارت فيه ولا حاجة بتدخلى تشترى اللى إنتى عايزاه على طول وتآخدى الكوبونات
البرنامج بتاعهم إسمه ريجستر ريوورد
Register Rewards or RR
نفس لعبة سى فى إس ونفس الهدف إنك تآخدى آر آر وتحاولى المرة اللى بعدها تشترى حاجات وتآخدى نفس ال آر آر تانى أو أكثر كمان وتستخدمى كوبونات المصنع وكوبونات ولجرينز معاها
مثلا يقول لك إشترى معجون الأسنان الفلانى وخدى عليه آر آر دولار أو إتنين أو خمسة ده بيكون عبارة عن ورقة بتتطبع من الكاشير تستخدميها المرة اللى جاية كأنها كوبون على مجمل مشترواتك بنفس المبلغ
الشطارة بقى إنك مثلا المرة دى جبتى حاجة وأخدتى عليها كوبون ب 2 دولار تمام؟ المرة اللى جاية تشترى حاجات وتنشنى على الحاجات اللى عليها كوبون وترجعى تآخدى ال2 دولار تانى فهمتونى؟
مثلا مرة كانوا عاملين الفوط الصحية بتاعتهم ب2 دولار وتآخدى عليها كوبون 2 دولار يعنى كأنها فرى وبنفس الأسبوع عاملين معجون الأسنان ب 2 ونص وتآخدى عليه 2 دولار طيب تعملى إيييه؟
أول مرة تدفعى 2 دولار تمن الفوط الصحية + 2 ونص تمن معجون الأسنان يبقى المجموع 4 ونص وتآخدى 2 دولار كوبون من الفوط و 2 دولار كوبون من المعجون
ترجعى تشترى بكوبون المعجون علبة فوط وهتآخدى تانى كوبون ب 2 دولار على الفوط وتشترى بكوبون الفوط معجون أسنان هتدفعى نص دولار وتآخدى تانى كوبون 2 دولار
تروحى وتيجى على المحل كل ما تقدرى كأنك كل مرة تآخدى فوط صحية ببلاش ومعجون بنص دولار فهمتونى كده؟
خللى بالك فى ولجرينز ما تقدريش تستخدمى الكوبون لنفس المنتج مرة ثانية يعنى ما ينفعش كوبون الفوط الصحية ترجعى تشترى بيه نفس العرض بتاع الفوط الصحية وكمان هناك فيه شرط إن عدد الكوبونات ما يزيدش على عدد المنتجات اللى إنت إشترتيها ولو إن فيه ناس بتقول إن ما عندهمش المشكلة دى لكن هنا عندنا القاعدة دى فى وولجرينز على العموم خليكى واخدة بالك كويس وعدى دايما الكوبونات اللى معاكى والحاجات اللى إشتريتيها ممكن تحطى أى حاجة رخيصة لو إتزنقتى مثلا لبان شيكولاتة.. بسكوت أى حاجة رخيصة وبسيطة
يتـــــــــبع
[…] أنا كان معايا ٦ دولار آرآر من قبل […]