作為迪士尼的粉絲，今天的節目就是去ASIATIQUE THE RIVERFRONT參觀慶祝迪士尼100週年而建的DISNEY 100 VILLAGE。
酒店與BTS的PHAYATHAI站有點距離，又唔想行一段路去機鐵RATCHAPRAROP搭一個站過去。本來打算乘的士，結果的士拒載並指我們去搭篤篤。
最討厭討價還價的環節，剛剛到埗亦唔記得要講價，明明好近的距離，上車人地話收150 Baht去BTS我地又傻瓜瓜的肯首。司機同我地傾計，知我們去ASIATIQUE THE RIVERFRONT，OFFER我地500Baht直接去到目的地，想坐船的我直接拒絕了；後來又OFFER我地300 Baht，我開始心動，點知司機見到塞車又反悔話要400 Baht，搭BTS再轉船算喇~
我地搭BTS去SAPHAN TAKSIN，逸逸今次搭車終於要買票了。現在泰國已經取消口罩令，不過根據我們觀察，9成泰國人乘搭BTS都有戴口罩，沒有戴口罩的我們其實是異類。另外，因為我地要換錢，又要係SIAM轉車，記得以前SIAM站內有得換錢，特地落大堂走一趟，結果原來已經無咗LU~
我地搭ASIATIQUE THE RIVERFRONT的免費船
遊下船河真係好舒服
我是傻媽媽，見到咁靚的陽光照埋嚟就忍唔住不停幫個女影相~
逸逸都無我咁好氣
一落船就見到DISNEY 100 VILLAGE的牌坊了
適逢潑水節，除了浴佛，仲可以幫米奇沖涼~
DISNEY 100 VILLAGE這個活動為期四個月，直至今年7月31日，除了一些免費拍照景點之外，還有4大收費區域，包括WORLD OF FROZEN、PIXAR PUTT、ENCHANTED GARDEN、以及MARVEL UNIVERSE，入場價錢由價錢由฿199 – 2,249，一點也不親民。
不過WORLD OF FROZEN其實就是跟之前香港的FROZEN夢幻特展差不多，我們已經去過；作為奇妙處處通使用者，ENCHANTED GARDEN看公主雕像沒有很吸引；我們也不是GOLF以及PIXAR的愛好，唯一有考慮過付錢看MARVEL UNIVERSE，不過最後因為節目已經很豐富而省下一筆。
沒有付款入場也可以跟大型IRON MAN合照。
在外面影下相已經好唔錯
泰國天氣實在太熱了，不停要買飲品，恆仔同逸逸飲西瓜沙冰，我就飲ICE LATTE。
依度好多靚靚DISNEY BACKDROP可以影相，不過最吸引我的有兩個：
分別就是奇妙魔法屋
以及熊抱青春記
兩套卡通我地都有係DISNEY+睇過，所以都帶有感情。雖然香港迪士尼都有佢地的商品售賣，不過影相位就真係未見過，物以罕為貴嘛，所以特別有驚喜﹗
就算其他沒有很大的驚喜，但都好靚，所以全部都要影下相~
依個唔關迪士尼事，係ASIATIQUE小火車~
最近在看韓綜《瑞鎮家》，見到韓式熱狗就忍唔住試下，本來想試包薯仔粒的，可惜今天沒有供應，就試芝士熱狗喇~不過始終依度唔係韓國，可能唔夠地道，都係以前食開普通韓式熱狗比較好吃。另外係度等炸熱狗的時候，發現了芒果糯米飯，作為芒果糯米飯控的我當然唔可以錯過。依個芒果糯米飯好好食，芒果夠甜無渣，糯米飯又香又軟，正﹗
最重要的景點：SAWASDEE MICKEY & MINNIE
終於搵到兌換店了，可以安心喇~
其實我在10年前也曾經到訪ASIATIQUE THE RIVERFRONT，當時剛開業所以店家都滿開，今次過來除了不少位置其實被DISNEY 100 VILLAGE OCCUPY左之外，個別倉庫是十室九空，看來要恢復COVID前狀態也還需要些時間。
來到ENCHANTED GARDEN的門外，終於見到公主的踪影了~
依個ARIEL真係幾靚~
逸逸完全俾班公主迷惑了~