吃過午飯回到酒店已經是3時多，雖然逸逸看起來已經很累，不過今早預約了4:00PM去游水，雖然天色陰暗，幸好沒有下雨，所以點都游完水先算。
HOLIDAY INN的泳池不大，當中有一半水深不著地，所以淺水的那一邊人滿之患，深水的那一邊就可以自由自在的玩，逸逸有水泡，為了避開人群，恆仔和我整整一個小時都不停的游水和踩水，運動量十足。恆仔這天化身大墨魚，不停的追趕逸逸，嚇到逸逸V嘩鬼叫，非常興奮。
另外，換泳衣前唔記得提逸逸要先去洗手間，結果游游下水要花時間上岸去廁所，浪費晒時間。
游完水喊肚餓，好彩我們雪櫃入面有昨晚帶回來的生日蛋糕，食完蛋糕就瞓覺休息了……
逸逸大約5點半開始就瞓覺，瞓呀瞓，瞓呀瞓，瞓到7點半都唔起身點算好？唯有叫佢起身出去食飯喇~
今晚的目的地是去佐敦的渡船角舊地重遊。因為恆仔是在這兒長大的，直至結婚才搬走，不過後來老家在逸逸出世之前也因為業主收樓搬走咗，所以對於逸逸來說這兒是陌生的地方。
恆：「爸爸細個就係住依度架喇~」逸逸對爸爸小時候的事充滿著好奇。
依間舖頭係恆仔和我拍拖時候的故事，話說我看雜誌介紹這兒的法式三文治，跟恆仔提起他才說這家店頗有名氣，我就氣他為什麼不一早介紹給我﹗
今天吃晚飯的地方是位於渡船角的和記海鮮飯店，以前家族大小節日都是在這兒吃飯，恆仔小時候甚至一日有兩餐都在這兒解決，所以一進門老闆就認得他了。
這是一家舊式飯店，衛生情況一般(可能因為疫情關係，今次發現大有改進)，不過食物很有水準，所以未看餐牌前點什麼菜心目中已經有定案。
對逸逸來說非常有趣的食物升降機
來和記首先一定要點炖湯，今晚就飲咗西洋菜炖陳腎湯，正﹗另外一個必食的就是炸蝦餅，我地每次嚟都一定會叫。其實仲有一樣都好得就係籠仔蒸蟹飯，不過要遷就逸逸所以今次就無叫，反而叫咗比較開胃的京都豬扒。
我們點了一碟粟米肉粒飯，白飯超多，我們也不用再點白飯；粟米汁超好味，本來扭計唔肯食飯的逸逸食咗一啖粟米汁之後最後要添飯，幾勁﹗
懷念的味道。
連唔食蝦的逸逸都話依個蝦餅係佢鍾意食既蝦，YUM YUM。
睇魚仔……
一場來到佐敦，好想帶逸逸行下廟街……
可能因為無晒遊客的關係，檔口變得好疏落，貨品亦完全沒有吸引力，不如落埋旺角女人街睇下會唔會好啲~
點知女人街仲衰，10點鐘已經收晒檔，旺角已經唔再係不夜天~
好彩仲有IRONMAN可以影下相
今晚突然好想食甜品，點知尖沙嘴甜品店的數量無我想像中咁多，要行到厚福街先搵到，行到逸逸無力，仲要就快休息，突然覺得係屋企叫DELIVEROO真係好方便。