去泰國旅行無得按摩好似點都係唔完滿，所以參觀完水族館之後，我們在SIAM PARAGON分開活動，恆仔帶逸逸番酒店，我就去記得有幾間按摩店的SIAM SQUARE ONE搵地方按摩。
可能因為今日是星期日的關係，SIAM SQUARE ONE的兩間按摩店CENTER POINT MASSAGE & SPA(上次同阿妹去過依間的另一分店)以及LET’S RELAX SPA(聞名於按摩後提供芒果糯米飯)都已經FULL晒，結果唯有搭BTS番酒店。
番到酒店，不如試下問埋酒店的RARINJINDA SPA，睇完價錢，原來RARINJINDA SPA的價錢絕對不是我們一般認知上的泰國價，兩小時的泰式按摩要2000 BAHT，而且還要很FULL，泰式按摩的房間已滿，職員讓我選擇香薰按摩或在一般按摩床上做泰式按摩，一場來到泰國，當然是做泰式按摩了。
付款後，職員先叫我坐一下，並為我提供凍飲同熱毛巾。
以及換上舒適的拖鞋，外面下著滂沱大雨，可以換下濕掉的鞋子立即舒服晒。
房間好大好靚，只有我一個人享用，非常寧靜舒適。
如果享用SPA的話，就可以係房間入面浸埋浴。
換上絲質的衣服才開始按摩。
整個按摩的過程非常舒服，拉筋拉得好到位，但又一點痛的感覺也沒有，是高手之中的高手，按完之後成個月個人都仲係好鬆，沒有一絲想要去按摩的念頭。後段的草藥球按摩仍然非常舒服，完全沒有個種有個又熱又濕的草藥球在身體上碌來碌去唔知做乜的感覺，而係按完摩再熱敷，加倍舒服。
按完摩之後，職員帶我搭LIFT上一層的休息廳飲杯野，我點了熱薑茶，好舒服。
估唔到仲有芒果糯米飯，芒果清甜無渣，糯米飯軟糯，好好食，由頭到尾都是一個好精彩的體驗。
係我ENJOY緊期間，原來逸逸都無瞓晏覺，係房捉住爸爸玩，又畫下公仔咁，多謝恆仔送我的自由時間。