自從逸逸踏入兩歲之後,發現了她對波波池的喜好及渴求,一個星期六,妹妹打電話來邀約兩家人一起黃昏時去PLAYROOM玩,縱然當天下午逸逸有INTERVIEW的行程也決定應約。
不過地點就選近近地位於屯門H.A.N.D.S. (現在又改左名叫做愛定商場)的ALOHA GECKO。
ALOHA GECKO以夏威夷為主題,有一個好靚的藍色波波池。
波波池上面仲有滑浪板,貼晒題~
大個女,勇敢左之餘,手腳協調都靈活左,爬上去可以自己來。
不過SIR滑梯都係要媽媽拖住~
滑梯組下面是秘密通道,可以捐窿窿~
旁邊有一個可以扶住跳好像水泡一樣的彈彈,好好玩,小朋友有伴一齊玩最開心。
之後我地轉戰對面的幼兒專區。
由上梯級…….
到玩滑梯都可以自己來,爸爸媽媽可以好好休息一下。
不過波波池就弱雞左D,因為咁細的波波池不會吸引大孩子,帶著小小孩的大人就覺得安全又放心。
幼兒專區還有火車軌道
詩詩都可以玩捐窿窿
逸逸大個D就玩得頑皮D~
仲有好多小玩具適合未滿一歲的小BABY,依個區域三個小朋友都啱玩。
付會員費$30之後,就可以享用17:00-20:00的黃昏優惠,星期六、日及學校假期一大一小只需$80,抵玩﹗