唔駛番學o既星期六,太good了﹗不過我點都估唔到,原來今日全日會用o左大部份時間o黎對住部電腦係度click click click呢~
好早就起身了,因為家務助理八點幾上o黎幫手,爸媽都出門了,我要負責開門俾佢~著o左部電腦o既結果,就係會被吸住,連早餐都唔駛食~
day介紹o左個網站俾我,叫做picnik.com,係一個用o黎edit照片o既工具網網,幾好玩喎~除o左一般o既「執相」,即是調較光暗、contrast o個D之外,仲可以玩一花款o架喎,我試o左以下呢張﹗
係迪士尼等巡遊開始時無聊影o既一張自拍~
改裝後,哇,幾有halloween風味~係咪幾過癮呢~
媽咪今日跌親呀,睇o左佢去開推拿o個個中醫師度睇~話有少少鬆o左骹喎~整o左一個大手掛番o黎,好似好嚴重咁,希望媽咪快D好番啦~可以趁呢個機會做做少奶奶~
同媽咪開始一整天o既揀相工程﹗家姐結婚請o左外面o既攝影師影相嘛,有千幾二千張﹗有唔少都係重複o既,係婚禮呢D咁重要o既場合,通常都會影double,保險D嘛~另外我o地都要晒番D相俾親友們~於是今日o既工作有兩部份,第一要揀走D重複o既相,第二要睇下要晒邊D相晒幾多張~哇,超大工程﹗我o地整整整,整到食午飯(我煮的﹗),食完又繼續揀揀揀…成四點幾先完成呀﹗好誇張﹗我今個星期六就係咁樣度過了﹗揀好唔好徙嘛,馬上出去晒埋,去o左「天然」,又平(十日後取的話只需要$0.5一張﹗)又可以簽咭(聖堂隔離o個間就要俾cash了)﹗咁晒咁多都唔少錢嘛,唔好蝕o左信用咭D積分~而家就好perfect了﹗
今日下晝唔知發生咩事,勁流鼻水呀﹗簡直係「趺」D鼻水出o黎,冇viscosity,好似水咁,不停流不停流,又狂打乞嚏,一切都o黎得好突然呀,所以好辛苦﹗而家晏D喇先好番D~哎吔吔~
夜晚o個餐由爹爹負責,樣樣餸都好好味呀~
基基團上o黎聚會,我悄悄的係電腦房,一邊做胡接龍,一邊暗暗聽下佢o地講乜~
今晚都要早D瞓啦,聽日去聖堂有兩項重要任務~
好型呀!即時好有氣氛呢!!
最近d流感好勁ar..我d同事好多都已經病左..仲要個個同一病徵就係聲沙沙…你成日出入醫院要多多保重..
Re小姑娘:
yeah yeah yeah~你都用下o個個網網試下丫~
Re siu-kwan:
唔唔﹗知道了﹗我會注意啦~thanks~
都幾好咁!! 我又沒留意這個function bor! 0.5 元真的大誇張… 可能現在很多人都在家中print 相/ 只看不曬!!~
Re day:
是啊~你下次都試下用呢個function丫~可以整o左D相當E-card o黎send~唔知halloween之後又有咩特別o既東東可以加呢?
都幾抵o架,不過要呢個價多數要10日﹗心急的就要貴少少了~乜而家係屋企print都可以質素好好o架?